राष्ट्रपति रामचन्द्र पौडेलले आईतबार ‘केही नेपाल ऐनलाई संशोधन गर्ने अध्यादेश, २०८३’ जारी गरेका छन् ।
राष्ट्रपति कार्यालयका प्रवक्ता रितेशकुमार शाक्यका अनुसार मन्त्रिपरिषद्को सिफारिसमा राष्ट्रपति पौडेलले नेपालको संविधानको धारा ११४ को उपधारा (१) बमोजिम अध्यादेश जारी गरेका हुन् ।
सरकारले संसद्को अधिवेशन नभएको अवस्थामा तत्काल कानुनी गाँठो फुकाउनुपर्ने भएकाले अध्यादेशमार्फत विभिन्न प्रचलित ऐनहरूका केही प्रावधानमा संशोधन गरेको छ ।
पछिल्लो दिनयता राष्ट्रपति पौडेलले ५ अध्यादेश जारी गरिसकेकोमा आईतबार छैठौं अध्यादेश जारी भएको छ ।
आईतबार प्रमाणीकरण भएको अध्यादेशले एकैपटक धेरै ऐनका प्राविधिक तथा व्यवस्थापकीय त्रुटिहरूलाई सच्याउने र समसामयिक बनाउनेछ ।
